兒歌
2004年05月15日
如果把考試計算在內，今天是最後一天上學了。考完試後，又找不到人吃午飯，心情更是鬱悶。之後，我到了偉衡體育館做gym。Gym房裡有一部收音機，電台剛好播放著兒歌，先有〈超人迪加〉，再來有〈小忌廉〉、〈長腿叔叔〉、〈問題天天都多（小丸子）〉、〈黃金戰士〉、〈宇宙大帝〉等等。聽到這些兒歌，心情頓時愉快得多。可是，一播到〈ＩＱ博士〉，心裡就很不舒服，歲月留痕，歌在人已去。人有時真的很脆弱……。
回家後，再跑步。途中見到一個小孩子，邊踏著三輪車，邊唱著〈世界真細小〉。我跑過他之後，他大概很不忿，很想追上我，但仍吃力地唱著：「人人常歡笑，不會哭淚掉。時時懷希望，不必心裡跳……」
小朋友，有時世界並不那麼美好。
Posted in: 音樂, 生活 |
回應(1) | 回應的RSS | 暫時未有引用通告| 
(0)
2006 十一月 4 at 11:48 pm 關於《兒歌》以前的回應：
冰仔 - 5/15/04 4:05:11 am
哈
哥哥
咁會唔會係因為你睇唔到世界既美好呢?
(我讀幼稚園學既時候
係先學英文版
咁會唔會一件美好既事呢?)
洋 - 5/15/04 4:12:50 am
冰仔，不是我看不到世界美好的一面，而是我猜，那小朋友大概不明白，為何踏車也會輸給一個用腳的吧？
所以妳現在讀英文系了，是好事嗎？
冰仔 - 5/15/04 4:22:37 am
讀英文系
最少在我額上刻著"我識英文, 而且唔錯"幾個字吧
幫我搵到餐飯食
我想 是好事
洋 - 5/15/04 4:27:45 am
冰仔，我雖然是中文系出身，但最怕別人問我中文，老實講，你唔識既，我九成都係唔識架啦。但係我答唔識，ｄ人九成都會話：「搞錯呀，你中文系架喎。」
我可以教你用《廣韻》，但唔代表我乜字都識。
- 5/15/04 10:55:43 am
我成日都話自己呃飯食, 因為我成日都比人問點解我部電腦唔得架, 咁慢架! 大佬, 我又點知呢!
日常大家用既電腦野同我用個d都係一樣, 我唔會你用得多words, 唔好比你用得多power point!~ 哈哈,
之後又係比人話你係唔係it人黎架!~ 激死!~ 哈哈
我想一個人由一個環境轉去另一個環境, 就會有呢個想法架喇~! 哈哈~~放鬆d喇 !
Alex - 5/15/04 10:57:09 am
上面個條友仔又係我呀, 呢期個名唔會自己記住, 次次都要自己打!
Irene - 5/15/04 12:08:22 pm
考完試找你和Rachel吃飯，我一定記得的~
最近心情很矛盾，既想快些考完最後一個試，但又捨不得離開學校，三年感情真的讓人割捨不下……
小朋友的世界是七彩繽紛的，而大人的世界卻褪下了許多顏色。
洋 - 5/15/04 12:17:41 pm
Alex，因為社會鍾意將人部門化、專業化嘛。
我好放鬆架啦~
洋 - 5/15/04 12:23:05 pm
Irene，昨晚我已跟梁穎恒說過此事啦，就要看看妳們何時有空。
我又唔係唔捨得既，可能自己心情有d唔好而已。係呀，話咁快就三年。妳仲有一年教育文憑嘛，妳要繼續努力啊。
最少，小朋友冇咁多煩惱。
子星 - 5/15/04 4:40:59 pm
小朋友時，只看到世界的一半，
無知得總不當什麼一回事．
成長了，看到光與暗的對比，
才發覺美麗的真是很寶貴，
才更珍惜買少見少的美好．
洋 - 5/15/04 6:37:52 pm
子星，我覺得係人生愈來愈現實。
讀緊幼稚園，「你考第幾名呀？」
讀緊小學，「你升邊間中學呀？係唔係band 1架？英中定中中呀？」
讀到中學，「你會考、高考幾多分呀？讀咩科呀？讀文科冇前途呀！」
讀到大學，「你GPA幾多呀？」
大學畢業，「你搵幾錢個月？」
Irene - 5/15/04 7:31:04 pm
對啊，我還有一個暑假，這是我唯一可以安慰自己的。
我會努力的，阿洋你都要努力啊，無論你選擇走哪一條路，我們都會支持你的，最重要是自己覺得開心。
小朋友都有煩惱，不過他們煩的是：點解今日荼點冇糖食既？點解隔離位個小明要搶我支筆？點解今日唔可以睇電視？要溫書？我冇得睇比卡超啦，嗚嗚……
洋 - 5/15/04 9:03:54 pm
Irene，我現在首要的，是找工作，順利的話，便不會有暑假。
謝謝妳呢，祝妳成為一個好老師。
那麼大朋友的煩惱應該是：點解我負資產？點解人地要搶走我個男/女朋友？點解《皆大歡喜》咁無聊我都仲要睇？點解公司d野做極都做唔完？我對足家燕姐幾年啦，嗚嗚……
子星 - 5/16/04 11:07:22 am
所以我們"一畢業才知 一世我也要考試"~_~
Happymay - 5/16/04 1:02:14 pm
小朋友的煩惱很多時候都會說給大人知道，大人都會幫他解決~~
Irene，你是教中學的還是小學？
奀妹 - 5/16/04 10:57:01 pm
我懷疑呢個小朋友就係死0係你屋企泳池0既小朋友。
而兇手就係....................
洋 - 5/16/04 11:36:16 pm
子星，人生本來就充滿考驗，沒完沒了。
洋 - 5/16/04 11:37:17 pm
奀妹，唔會有人知妳講乜。
胃嘈 - 5/16/04 11:39:07 pm
哈哈~
你一個人知就夠啦，我留言唔使全世界睇得明架！
洋 - 5/17/04 12:01:42 am
胃嘈，佢係死係醫院架。
奀妹 - 5/17/04 12:43:45 am
我落錯名添！
Irene - 5/17/04 7:19:56 am
Happymay，我報讀的是小學教育。
我去你的部落格看過，知道你是一位小學老師，你很喜歡小朋友的嗎？
Irene - 5/17/04 7:35:25 am
Happymay，因為「大朋友」開始懂得收藏自己，他們知道有些煩惱只能由自己去面對，縱使自己其實已很疲累。
小朋友很「乖」，他們無論開心與否都向大人報道，所以大人才能幫他們，你也幫他們解決了不少煩惱吧？
洋 - 5/17/04 8:06:02 am
奀妹，算啦，反正有部份人也知道妳是誰。
happymay - 5/17/04 10:21:44 pm
Irene, 我會比較喜歡教低班的小朋友(一二年級)，跟高年級的學生比較，他們真的會比較天真活潑，現在的小朋友都很早熟，也就更難教了~~
現在的教育似乎一片黑暗，你有信心找到工作嗎？我很可能都會面臨失業了，為什麼香港的教育會弄得如此田地？
小朋友的煩惱對我們大人來說只是無聊，例如他會向你投訴某某說話，某某這樣不對那樣不對等等，其實跟他自己是完全無關係的！你實習有遇到這樣的事嗎？
飛鳥 - 5/20/04 12:45:32 pm
洋，兒歌真係好正GA~不過I MEAN 似前嗰啲。
依家有啲真係勁難聽。唔係啲廢歌星，就係咩咩醫生用兒歌教啲小朋友要刷牙、做運動ETC。真係頂唔順。
其實兒歌好簡單，就是對世界充滿希望，天真開心而已。
最有印象是黃金戰士、長腿叔叔和叮噹。仲有飄零燕、藍精靈、忍者小靈精、Q太廊、足球小將。當然「IQ博士」最叫人心傷。
洋 - 5/20/04 7:44:02 pm
飛鳥，是呀，十分贊同兒歌只要開心就夠了。甚至乎，對大人也很重要，可是大家長大以後，都忘了快樂，或忘了怎樣才能快樂。
係呀，哩幾首都好正，我細個都成日唱叮噹。
〈ＩＱ博士〉對70至80代出生的小孩，應該特別有意義吧。
Irene - 5/21/04 9:59:27 am
Happymay，我喜歡小學就是因為他們天真。
我以前以為自己不太懂得跟大朋友溝通，和小朋友一起應該會比較開心些，但最近發覺原來和小朋友溝通也很不容易。
我還未實習呢，應該在八月尾左右才開始上課。
阿洋，我也很喜歡叮噹，記得小時候經常都會追著看，有一年暑假還幾乎天天都是杯麵送叮噹（tea
time），吃得很開心，看得很開心，一個暑假也就這麼溜走了。
洋 - 5/21/04 11:58:43 am
Irene，溝通從來不是容易的事，打從我們第一天做人開始，己不能百份百溝通。嬰兒哭，因為他餓？病？還是要人抱？父母都是憑自己的想法猜度而已。要是他們弄錯了，嬰兒可能摸一著頭腦，哭得更厲害。人大了，問題更嚴重吧？有時不懂好好的表達自己，有的要保護自己，有的喜歡說得轉彎抹角，就是不肯坦誠溝通。
叮噹是我小時候數一數二喜愛的動畫，那天馬行空的想象力，至今我仍十分喜愛，我也看叮噹而愛上了豆沙餅。小時候好像總是較開心，大概是所求的，就是那麼簡單吧？
奀妺 - 5/23/04 11:15:07 pm
那個時候看著叮噹吃頭沙餅，還以為很好吃，但當我吃過豆沙餅後，發覺完全不是想像般中好吃！
洋 - 5/24/04 12:08:14 am
奀妹，是嗎？我倒是很喜歡吃豆沙餅呢~~可能是自己嗜甜的關係吧。