電影對白節錄
2004年05月08日我想，看電影的人，很多時會記著那齣電影是那個導演、那個演員，但鮮有人會理會編劇是誰吧？我看過好些電影，當中有一些對白很精警，但很有可能要看完整齣電影或連同畫才使人覺得精采，所以我另外節錄了一些較為可以獨立而又精采的對白，與大家分享。
《江湖告急》
編劇：陳慶嘉、錢小蕙
（任因久遭殺手追殺，於是他急召四大幫會開會，想成機剷除其他勢力）
老表華：「我最多心架啦，久哥會唔會懷疑我地其中一範做架？我老表華發誓，一定唔會咁做。喂，基哥，你成晚冇出過聲喎，平時好多野講架？」
任因久：「係喎基哥，你今晚好靜喎。」
基哥：「冇，我都遇到個頭號殺手。」
（眾人一起望向基哥）
基哥：「我今朝睇過報告架啦，醫生都證實左，話我有肺cancer。」
（眾人本想吸一口煙定驚，正想吸之際，又馬上放入煙灰缸弄熄它）
《江湖告急》
編劇：陳慶嘉、錢小蕙
（任因久（梁家輝飾）遭數個殺手追殺。阿愉（張耀揚飾）是任因久最好打的保標，拼死保護任因久離開，已身中數槍。他們躲在一旁，槍手逐步迫近）
任因久：「愉，點呀？」
阿愉：「久哥，你走先，我仲頂得住。」
任因久：「傻既，風大雨大，點走呀？」
（槍手走得愈來愈近，搜索著他們）
阿愉：「久哥，我而家撲出去同佢地鍊過，一有機會，你即刻走！」
任因久：「要搏就一齊出去搏。」
阿愉：「唔可以，你唔可以有事。」
任因久：「出得黎行都預左啦，下嘛？」
阿愉：「久哥，其實有ｄ人，注定要為其他人而死。」
（任因久握著阿愉的手，表示感激）
任因久：「阿愉……」
（阿愉也緊握任因久的手）
阿愉：「有ｄ野，我想講左好耐……，其實我一直……，一直……都愛你。」
（二人沉默）
任因久：「哩個時候你講埋ｄ咁既野？」
阿愉：「我知你一剎那好難去接受得到。但我唔講，我怕冇機會。」
（阿愉向任因久點了一下頭，出去與殺手拼過）
《爆裂刑警》
編劇：鄒凱光、葉偉信、張問
吳鎮宇：「每個人都有自己應該同唔應該做既野，我入左錢就應該有我罐汽水，我要既野就係咁簡單。」
《大丈夫》
編劇：彭浩翔、葉念琛、李敏
毛舜筠：「妳明唔明呀？物件係無常，事件先至係永恆。我知道妳好緊張妳同Dr Lee段婚姻，但係婚姻哩樣野係虛無架，隨時可以毀滅，妳控制唔到，亦都掌握唔到，但係妳前面哩件事呢，就可以掌握勒，掌握到前面哩件事，妳就可以選擇，選擇離婚或者繼續哩段婚姻，妳要有證據先至有話事權，妳明唔明呀？」
《大丈夫》
編劇：彭浩翔、葉念琛、李敏
（眾人說出要去滾的理由）
波仔：「每次我跟阿鳳親熱，在最緊張、最關鍵的時候，她總時推開我、拒絕我，說甚麼『你愛我就要專重我』，是呀，我專重她，所以她不要，我從來不勉強她，但是她也應該尊重我想要的權利呀！你家裡不開飯，難道不准我去外面吃嗎？」
《野獸刑警》
編劇：陳慶嘉、陳嘉上
車沅沅：「你d股票有冇損手爛腳呀？」
黃秋生：「揀緊樓呀。」
車沅沅：「咁叻？」
黃秋生：「揀緊樓跳呀。」
《野獸刑警》
編劇：陳慶嘉、陳嘉上
張耀揚：「一陣間搞掂完，你沿路返落黎轉左，阿華係街口泊定車等你……」
大陸仔：「放心啦，哩d野做慣做熟架啦！」
……
張耀揚：「轉左喎，唔係轉右喎。」
大陸仔：「得啦，我地上面忠奸就唔分je，左右分得好清楚架，包係我身上啦！」
《去年煙花特別多》
編劇：陳果
大佬：「收錢呀！」
的士佬：「唔使啦。」
大佬：「唔好咁婆媽呀！我叫你收就收，收唔收呀？！」
的士佬：「咁呀……。」
（大佬付錢）
大佬：「找丫！」
（的士佬開車走，大佬追上前拍打的士，的士停下）
大佬：「做咩呀你！」
的士佬：「你叫我走丫嘛。」
大佬：「我叫你找錢呀！」
《回魂夜》
編劇：技安
周星馳：「你估唔到哩個世界咩都有可能發生。點解呢？因為你冇想像力。愛因斯坦話過想像力比任何知識更加緊要，想像力可以將冇可能既野變為可能。」
《南海十三郎》
編劇：杜國威
十三郎：「好！阿江少儀，點解你係都要拉我見耶穌呢？我同佢\唔係好熟架咋！」
江少儀：「信主，我地可以得到永生，我地可以去天國，你想唔想去天國丫？」
十三郎：「天國？！使去幾遠丫，拿，你睇下丫，哩樹就係天國啦（指著精神病院）！你睇幾多天使（指著精神病人）！」
江少儀：「你唔好侮辱耶穌呀，我話你聽！」
十三郎：「我話你就侮辱耶穌呀你，三唔識七拉我見耶穌。人地都未必得閒肯見我呀。唉！」
江少儀：「唔係……」
十三郎：「永生，永生，永生咪仲痛苦，唉，想死又死唔去，咪驅！傻佬就鍾意永生勒。」
《南海十三郎》
編劇：杜國威
十三郎：「你做人唔好咁執著得架。你雙眼睇得到既野都未必係真既。」
薜覺先：「我話你睇既野唔真就真，你睇下你副眼鏡，一邊都冇玻璃既，羅黎我同你配過佢。」
十三郎：「哎！咪驅，我專登架！查實做人使乜睇得咁清楚丫，求其咁咪算囉！你想睇清楚ｄ，你用有玻璃哩邊囉，你冇眼睇咯，咪用哩邊囉（指著沒有玻璃那邊），樣樣野睇得真，好痛苦架！」
《南海十三郎》
編劇：杜國威
薜覺先：「（對著工人說）較水俾佢沖涼。」
十三郎：「喂，你沖咋，我唔沖呀！」
薜覺先：「喂，你好耐冇沖洗過身啦喎。」
十三郎：「咩呀！我周時洗呀！洗個心，做人最緊要個心夠乾淨得架勒。（對著工人說）喂，一陣較缸水俾我，我吞落黎飲下得架啦。」
《南海十三郎》
編劇：杜國威
（十三郎劇本遭到刪改）
十三郎：「編、導、演，編、導、演呀！幾時都係編劇行先呀！劇本係一劇之本呀！劇本係乜你都唔識呀！轉行啦你，阿叔！」
導演：「係香港拍電影，導演話晒事！」
希望有一天編劇會較受重視和尊重吧。
Posted in: 電影 |
回應(1) | 回應的RSS | 暫時未有引用通告| 
(1)
butterswim
2006 十一月 4 at 10:15 pm 關於《電影對白節錄》以前的回應：
黃兒 - 5/8/04 8:07:44 am
我也會記下一些電影中的金句.
就給你說一句很出色的:
"One man could change the destiny?"
"A man can only does what he can,
until the destiny revealed."
From the film <Last Samurai>
洋 - 5/8/04 12:46:07 pm
哈，我冇睇《最後武士》，因為見到親湯告魯斯d海報，都覺得佢係到扮型，唔係好想入戲院睇。
meet - 5/8/04 4:18:25 pm
不如大家玩個遊戲丫，出一些電影金句。然後，估下係邊套電影。就等我出先啦……
主題：硬gag
1.
人同妖都有阿媽生，不過人係人那媽，妖係妖那媽。
2.
十三妹︰點解你叫船頭尺既﹖
冇柄庶︰船頭把尺黎做乜架﹖度水囉！
3.
對番皂講:「你知唔知你瘦左?你以前肥嘟嘟，你睇下你而家，何苦呢，要對自己有信心先得架。」
對條濕毛巾講：「你唔好喊啦，你甘樣喊喊到幾時？做人要堅強的，你睇下你，成劈野甘躂係度。唉，等我幫你啦。」 (擰乾毛巾，掛起來)
然後說：「而家係唔係舒服好多。」
同個毛公仔講野：「仲乜唔出聲？唔好嬲佢啦，每個人都有唔清醒的時候，比個機會佢好唔好？」
同底衫講：「是不是好寂寞？幾日之麻，使唔使咁，等我比ｄ溫暖你。」 (開始熨件衫)
柳雩 - 5/8/04 7:41:58 pm
在杜國威的劇本中，我最喜歡的還是《南海十三郎》。
雖然無緣看舞台劇，但我卻兩次巧合地在午間劇場看到
電視版的大結局，每次看到十三郎死去那幕都很傷心。
我覺得這份劇本寫得很好，在你選的對白中，我感受最深
的是眼鏡那段，讀來令人黯然。對世事的深刻洞察，往往
是痛苦的根源，能做到眾人皆醒我獨醉，也許會比較幸福。
對杜國威的劇本我有一種迷信，早年我曾經因為崇拜他而
希望寫作舞台劇的劇本，如今發現實在太難，也許不可能
辦到吧。
洋 - 5/8/04 9:09:29 pm
meet，咁你幾時開估？
洋 - 5/8/04 10:24:01 pm
柳雩，其實我也沒正式看過《南海十三郎》的舞台劇，只得舞台版的vcd，電影版倒是看過，一看就十分喜歡，十三郎的持才傲物、任性輕狂、敢愛敢恨，給我很深刻的印象。而中段十三郎瘋後，他那種似是瘋癲，但又緊緊扣著現實的對白，更教人感觸。也許妳看十三郎的死看得傷心，但對他而言，可能是消除痛苦的唯一方法。
我老是寫現實的東西，別人常常說我灰，我想有時我也應該隻眼開隻眼閉吧。
是呀，寫劇本是一件很辛苦的事，我寫一個劇本，最少也要花一個月時間，而且未必寫得好。杜sir的劇本，我喜歡的有《石塘咀如花與大舊勝》及《虎度門》，不知妳看過沒有？
柳雩 - 5/8/04 11:37:30 pm
像你這麼厲害，也要一個月才能完成一份劇本，那我的
劇本創作真的死定了！五月廿一日是第二份劇本的死線，
但我連第一份也未完成。我總是無法拋開我的完美主義，
我希望能用每一句對白、每一個鏡頭，表達對美的執著。
也許有點奇怪，我看電影要求的是感覺，劇情弱不要緊，
只要能夠讓我找到一點點美感和感動便行。所以我在想，
我以拍MTV的心態寫電影劇本，應該會導致慘敗吧。
《石塘咀如花與大舊勝》我沒看過。《虎度門》倒有看過，
彷彿也看過電影版，不過印象不是很深刻。杜國威的劇本，
我還喜歡《小謫紅塵》和《梁祝》(受傳奇性的人物吸引？)
我也很喜歡謝君豪，有時候會因為他演男主角而購票(笑)。
洋 - 5/9/04 12:46:56 am
柳雩，妳過獎了，我一點不也厲害。我寫《黑箱作孽》時，因為大家都等著排戲，所以冇得俾我拖。其實我覺得劇本是沒完沒了的，記得《黑箱作孽》on
show前，還是在改，所以嘛，根本沒有真正的「完美」，還是給自己一條死線好。我寫劇本的原則倒和妳不同，我很著重故事性和新意，我對鏡頭一向是不太理會，一、因為我不善長，或者應該話直頭唔識；二、如果真係用，留返俾導演玩吧。不過，我覺得昊sir看劇本很重視dramatics這原素……
我很推介《石塘咀如花與大舊勝》，這個戲只有兩個演員，所有角色都係佢地做晒，很好玩的。
我也有看過《小謫紅塵》，最記得主角吟著拜倫的"She walks on
beauty"，真係非常正！但我覺得它還是不及《南海十三郎》。
若論演員，我最喜歡黃秋生，好耐之前有一齣話劇叫《螳螂捕蟬》，是由黃秋生及謝君豪主演的，可惜我沒看，不知妳看過沒有？
Irene - 5/9/04 1:23:45 am
不怕路遠……
會的，一定會有那一天的，不要放棄！
洋 - 5/9/04 1:35:17 am
Irene，我不怕路遠，甚至沒路也不怕，我行出來就是，只怕我有心無力。無論如何，我會努力的。謝謝妳。
Piszes - 5/9/04 11:50:10 pm
hehe, I like it
洋 - 5/10/04 12:15:40 am
Piszes，唔明，妳like什麼？
Irene - 5/10/04 12:36:19 am
對啊，阿洋是不倒翁嘛，哈……
一定沒問題的！
謝謝你和我分享你的「快樂王子」，希望你也會快樂！
洋 - 5/10/04 1:18:34 am
Irene，不是啦，我沒那麼厲害，只是沒不是倒下的時候。
有心，我還好。
Piszes - 5/10/04 2:46:54 am
Like 這篇呢
考完試我會再試寫劇本的。
關於編劇，我都想了解。
洋 - 5/10/04 2:51:23 am
Piszes，加油。
奀妹 - 5/12/04 2:27:14 am
如此說來，電影的副導演不是更可悲嗎？
副導演似乎是話事人，但又不完全是話事人，比起本來就不是做話事人的人來說，副導演的角色更悲慘哩！
洋 - 5/12/04 2:39:59 am
奀妹，妳講得岩架，有冇睇過《買兇拍人》？張達明就係飾演一個本來係副導演既人。
老實講，我點會唔明丫，我都做過副導演，不過係劇場，唔係電影。
飛鳥 - 5/20/04 12:53:36 pm
以上的對白都好正wor。
杜國威的劇本中當然最愛〈虎度門〉，一出虎度門就會變成一個演員。我們的人生不是如此嗎？一到學校，要……；一到公司，要……；一到家裡，要……。我們一天要面對多少虎度門？
我喜歡從細節中表現人性。
洋 - 5/20/04 7:47:19 pm
飛鳥，我個晚突然心血來潮，好想做哩樣野，於是成晚就搵返晒碟出黎睇，然後寫低d正既對白。
係呀，我都好鍾意虎度門哩個idea，人呢，對著不同的人，都有不同的身份，有時也弄不清自己是誰。
子星 - 6/8/04 7:15:29 pm
你看了很多電影呢~
我也看過<南>電視劇版,
欣賞十三郎的才華,但感歎他最後放棄與女主角的復合.
總覺他不是看透而是執著.
洋 - 6/9/04 2:29:58 am
子星，不敢說多啦，我有很多朋友也愛看電影。
《南》的電視劇我沒怎麼看過，但電影版是很不錯的，有機會看看吧。電影版沒有太著重這條愛情線，藝術家有時的確很執著。
子星 - 6/9/04 9:05:13 am
有機會吧.
暫時,我想,由謝君豪演的舞台劇版是最好的.
洋 - 6/9/04 12:18:02 pm
子星，舞台劇版我只看過vcd。