硬gag / cheap joke舉隅
2004年03月03日據中文系二級下等榮譽學士畢業的鄧耀銘指出，所謂硬gag，即是硬笑話，意謂「唧都唔笑」的笑話，書面語「冷笑話」。而「cheap joke」，即是下流的笑話，它與有味笑話略有不同。這裡的「下流」是雙關語，既指猥瑣，亦指九流。鄧學士在這方面，已取得「double degree」（Department of hard gag and cheap joke），現正在這方面進修master，希望把二者融會貫通。然而，在這方面的成就，他還是未能超越盧博士。以下是他們的作品舉隅：
鄧耀銘作品舉隅：
布
銘：「小姐，哩塊係咩布呀？」
小姐：「瀑布。」
硬gag指數：●●●○○
男朋友
話說鄧耀銘有一次做劇場，認識了一個漂亮的女孩子。後來他聽說女孩子的姐姐會來看他們表演，馬上打她姐姐主意……
女：「我家姐有男朋友，佢\係工程師。」
銘：「妳家姐男朋友係工程師，但係我識得寫情詩。」
硬gag指數：●●●●○
高點
有一次，楊秉基叫我們說說，人生近來的高點與低點。
銘：「我近來都冇去茶樓食糕點。」
硬gag指數：●●●●●
油
有一次我跟鄧耀銘閒逛，見到一個廣告：
「依馬打正紅花油，點滴在心頭。」
銘（想也沒想）：「依馬打印度神油，點滴在龜頭。」
cheap joke指數：●●●●○
硬gag指數：●●●○○
盧博士作品舉隅：
葉子媚
盧：「大家知唔知葉子媚係邊個？」
（全場靜默）
盧：「葉子媚其實係一個紫微斗數好叻嘅人。」
（大部份人靜默，我竭力硬笑三聲）
cheap joke指數：●●●○○
硬gag指數：●●●●●
詩經楚辭
盧：「中文系嘅同學，《詩經》同《楚辭》有咩分別呀？」
我們答了若干正常答案，如風格不同、地域差異等等。然而盧博士對我們的答案都不太滿意，於是他自己說出答案。
盧：「我地試下講得鹹濕ｄ，《詩經》係短嘅（句子），而《楚辭》就長好多。」
（我和鄧耀銘已在後面瘋狂敲凳）
cheap joke指數：●●●●●
硬gag指數：●●●●●
正所謂近朱者赤，近墨者黑，在耳濡目染之下，我亦有小成：
難過
浸會大學舊校與新校之間，有好幾條馬路，人多車多，要過去對面十分困難。
洋：「行快ｄ囉！」
銘：「點解？」
洋：「前面條馬路好難過。」
銘：「好呀。」
洋：「前面條馬路好傷心，所以佢好難過。」
硬gag指數：●●●●○
Posted in: 寫作 |
回應(1) | 回應的RSS | 暫時未有引用通告| 
(0)
2006 十一月 4 at 2:44 pm 關於《硬gag / cheap joke舉隅》以前的回應：
黃兒 - 3/3/04 7:03:50 pm
我既Comment係,
成件事令人好難受.
冰仔 - 3/3/04 7:08:51 pm
我有三萬二千個同意黃兒既 comment
靚公主 - 3/3/04 7:23:24 pm
睇得好開心...
Department of hard gag and cheap joke, 我覺得BU真係可以開個咁的系...
一定會出名過commu!
泥~ - 3/3/04 10:39:24 pm
你o個d都唔夠...
要學就學莊員成....
好可怕!
schmeven - 3/3/04 11:30:31 pm
以上既「油」、「葉子媚」、「難過」，我都講過
証明我都係gag人，gag界精英
洋 - 3/4/04 12:27:28 am
黃兒、冰仔，難受是正常的，下次先來個警告給妳們吧。
洋 - 3/4/04 12:36:36 am
靚公主，睇得好開心係因為ｄ笑話好笑，定係笑佢地先？
洋 - 3/4/04 12:38:05 am
泥，ricky的有味笑話我倒聽得多，阿成的硬gag就真係好少聽。
洋 - 3/4/04 12:44:21 am
schmeven，咁岩？
講完會俾人笑你傻仔架喎。
Phyllis - 3/4/04 1:20:22 am
救命!!
我知呢d gag 唔應該笑...
但我笑到short左!
p.s.我笑,所以矮~
eUniCe - 3/4/04 1:28:45 am
yeah ~ 前兩篇日記太深喇 ~ 呢篇我終於睇得明lu ~
請問Department of hard gag and cheap joke要經JUPAS申請入讀嗎 ?? 我好有興趣bor ~
洋 - 3/4/04 1:52:27 am
Phyllis，其實我覺得有d都幾好笑，我幾鍾意「高點」個個，雖然好硬，但又幾好笑。
洋 - 3/4/04 1:56:54 am
eUniCe，其實我寫d野應該唔算太深，我有d朋友寫野好叻，十個字有十四個意思咁滯。
要學的話，你直接找鄧耀銘好了，他的部落格是：
http://bloghk.com/blog.php?user=yiuming
你留言給他吧。
大頭派 - 3/4/04 2:43:16 am
估唔到BU有d咁既奇人 , 犀利~
如果真係有個Department of hard gag and cheap joke 既話 , 我會極力推薦何x研去
大頭派 - 3/4/04 2:45:16 am
順帶一提..
我都笑到short左!!
洋 - 3/4/04 3:39:28 am
大頭派，好似多多地……。
乜佢好鍾意講gag既咩？
黃兒 - 3/4/04 4:19:04 am
主要係呀,
好得人驚呀!
又唔知應唔應該笑...
洋 - 3/4/04 4:24:18 am
黃兒，可見他們功力之深厚。
阿拉‧岡 - 3/4/04 5:57:47 pm
功力同心口有乜關係？ @.@?
黃兒 - 3/4/04 6:03:45 pm
比達d朋友功力深厚,
即係話佢地有好大個心口.
洋 - 3/5/04 2:31:59 am
見到你們互講硬gag，實在教人感動，要繼續努力啊！
今天我跟鄧耀銘說，我們遲一點要搞個硬gag會，好似人地詩會咁，每星期輪流發表硬gag，然後在互相批評鑽研，推廣硬gag文化。
積奇 - 3/6/04 4:24:07 am
傻啦~
呢d真係一般貨仔....
本少爺俾d勁o野你睇
話說青藝re－ｕ打邊爐
錢：「唔該，可唔可以幫我拂（ｆｕｃｋ）ｄ湯上來呀？」
（眾大笑）
錢繼說：「ｏ下！咩呀！我係屋企都係咁講ｏ架喎．．有咩問題ｏ者！」
奇：「咦！咁你ｄａｄｄｙ ｍａｍｅ 係外國人來ｏ架？」
錢：「＠ｘ％＠＃＄％＄％＾＃」
洋 - 3/6/04 12:34:24 pm
積奇，你僭越你師公地位呀？
鄧耀銘自稱自己係硬gag之王喎。
Lo - 3/7/04 1:57:58 am
查實自從add左洋之後, 我一直都有睇哩個部落格, 只不過一直都無留言
但今次哩個題目真係無得頂.
所以在此獻上見面禮乙份:
男男女女正在研究生肖運程
其中一位美女突然問其中一位gag男:「你屬乜架?」
gag男情深回應: 「我屬於你!」
完
洋 - 3/7/04 2:40:40 am
Lo，估到又有一個invisible的讀者。得閒多點留言吧。
哩個gag幾好喎，都唔算硬丫。
你成日咁lum女架？
靚公主 - 3/7/04 7:06:30 pm
見到上面個留言, 我想起一個真人真事
話說十年前某一日,和數個小學同學在我家附近嬉戲
某同學忽然問我"你咩座架"
我以九秒九的速度回答說"(我住)第四座咯"
某同學當場呆了數秒,然後說"我係問你咩星座呀! 第四座?!?!"
靚公主 - 3/7/04 7:06:48 pm
見到上面個留言, 我想起一個真人真事
話說十年前某一日,和數個小學同學在我家附近嬉戲
某同學忽然問我"你咩座架"
我以九秒九的速度回答說"(我住)第四座咯"
某同學當場呆了數秒,然後說"我係問你咩星座呀! 第四座?!?!"
飛鳥 - 3/9/04 2:13:22 pm
我覺得靚公主所說的超爆笑
不過綜合看來，
盧博士已經贏左。
洋 - 3/10/04 1:59:59 am
飛鳥，Dr. Lo是無敵的，且看鄧耀銘能否長江後浪推前浪吧。
子星 - 6/5/04 12:34:13 pm
難過
這gag我都玩過,喂,你侵犯版權喎.
講笑,呢啲gag好易撞.
洋 - 6/5/04 4:56:21 pm
子星，好玩就得了。