詞四首@自我評點
2004年02月11日前言
繼黃穎妮及汪懿如先後懷疑我的專業──中文（我這裡指的專業，即是你現在日對夜對、將來依靠它騙人的東西）後，鄧秉奇更揶揄本人為香港浸會大學中國語言文學系的客席學生，原因是他主觀地、直覺地、不科學地認為本人經常走堂（本人下午四點半以後的堂，從來沒有走過）！身為理科同學，竟然在光天化日之下，說出如此不合邏輯之言，我實在擔心他做lab（做實驗）時，會引起大爆炸。
不說鄧秉奇，說回我的專業。為了挽回我的尊嚴，我決定公開我的詞作，以證明本人通曉平仄、押韻。六聲九調對我全無難度。
《菩薩蠻》 秋雨
深宵雲密吞明月。雁兒秋去書箋絕。冷雨正敲窗，愁多知夜長。 拚教衣履濕，出戶聽蕭瑟。何處是歸途？路遙人影寥。
評點：一睇就知作出黎啦！夜媽媽，仲要落大雨，你會唔會出黎淋雨咁傻仔？（一看便知是胡作出來，夜深還要下大雨，你也不會出來吧？）
《玉樓春》 俠客行
攜劍飛奔風滿袖，大地縱橫長疾走。相逢道上遇知音。俠客高歌同把酒。 問君人世何常有？笑傲江湖齊一奏。從今相隔萬重山。快馬一鞭歧路後。
評點：攜劍係犯法架，我從未做過犯法的事。我咁大個仔，從未騎過任何馬類，或者近似馬的東西，電單車都係坐過一次咋，驚到我死！（攜劍是犯法的，我從沒做過犯法的事。至今，從未騎過任何馬類，就算是摩托車，我只是坐過一次，幾乎嚇死。）
《如夢令》 登山
冷月淒星濃霧。高視昂然闊步。蜀道苦難行，山徑荊枝滿佈。休怒，休怒。怎怕險峰阻路。
評點：蜀道係四川，我冇錢去。行山路竟然揀條有荊棘？！你唔知世界上有一樣野叫家樂徑架咩？有好路唔行，踩到一腳都係刺，抵死！（蜀道在四川，我沒錢去旅行。走山路怎會選有荊棘的？不知世上有吊車嗎？有車不坐，活該！）
《點絳脣》 春去秋來
三月初春，鴛鴦嬉水依河畔。故人相見，笑語歸來燕。 驚覺秋來，人去花飛散。誰能怨？開眉難展，臨遠肝腸斷。
評點：乳鴿我就食得多，鴛鴦我就未見過。登高臨遠望故人？世界有望遠鏡、視象會議、衛星直播……。你仲眺乜鬼丫，挑！（乳鴿我吃得多，鴛鴦倒是沒看過。登高臨遠望故人？世界有望遠鏡、視象會議、衛星直播……。你還看甚麼？）
後記
我的平仄，韻腳全部都是對的！不信的話，可問我借本詞譜同韻書回家看看，不好再質疑我不是讀中文系！
Posted in: 寫作 |
回應(1) | 回應的RSS | 暫時未有引用通告| 
(0)
2006 十一月 4 at 3:26 am 關於《詞四首@自我評點》以前的回應：
靚公主 - 2/12/04 1:45:34 am
洋樣...實在佩服佩服...我真係欣賞你o既才華架...
唔好氣餒,都唔好被人激親啦...
洋 - 2/12/04 3:01:13 am
再次感謝妳。
我沒氣餒啊。他們也許是開玩笑性質的。
不過黃穎妮倒真的不太相信是我寫的。她懷疑我是抄出來的。不過，這話也不完全是錯，正所謂熟讀唐詩三首，不會吟詩也會偷。宋詞其實亦一樣。
mudnie - 2/12/04 11:48:20 am
喂! 幾時有話你係抄jeh!
eUniCe - 2/12/04 4:51:30 pm
考緊mock諗住上o黎睇o下有乜新作 , 點知又係文學 ....
Alex - 2/12/04 10:01:46 pm
喎....好勁喎!!真係你寫架.....好堅喎!!~
洋 - 2/12/04 10:39:06 pm
mudnie，妳明明是懷疑我，還質問我為甚麼有那麼多筆名。
洋 - 2/12/04 10:40:03 pm
eUniCe，你中五定中七？
你不喜歡文學嗎？我已經係成個中文系裡，最唔文學人。
洋 - 2/12/04 10:41:34 pm
Alex，好易作架咋。唔信的話，你回來後，我俾你聽點作。
eUniCe - 2/12/04 10:49:09 pm
i am form 7 lu ~~~
i love chi. lit. so much ............ if there is no exam.
洋 - 2/12/04 11:10:27 pm
eUniCe，我中七個陣最怕英文。上到大學就乜試都怕。
mudnie - 2/12/04 11:11:02 pm
抱有懷疑既精神係好既
而且我好快就相信你仲即刻讚你啦!!!
洋 - 2/12/04 11:12:56 pm
mudnie，我地出黎搞劇場，講係咩？就係個「信」字，但妳竟懷疑我……。
妳見我發脾四之嘛。
mudnie - 2/13/04 1:03:13 am
心淡喇...
又hurt我...
你話咩就咩啦!><
洋 - 2/13/04 1:19:36 am
mudnie，我啦，我唔岩就是……
靚公主 - 2/13/04 6:16:34 pm
好好笑, 泥泥同洋樣耍花槍的對白真係好好笑...
不過洋樣你都算係咁啦,做男仔o既,不論自己有冇錯都好, 認左錯先就冇死架喇
哈哈哈
成 - 2/14/04 12:38:24 am
OOOOoooo................
我已前識開既兆洋真係返晒黎啦~強!
mudnie - 2/14/04 12:51:16 pm
喂!!! 公主大人!
講到好似你都唔信我咁架喎...
你幫外人都唔幫我...嗚...
恒一 - 2/15/04 5:00:57 am
老實說
我這個同被視為"非中文系"的中文系學生
也覺得你不太似中文系
哈
洋 - 2/15/04 8:52:42 pm
靚公主，咪係囉。
就算道理上贏左，最尾咪又係輸家。
所以黃穎妮一定是對的。
妳都係幫佢罷啦。
洋 - 2/15/04 8:53:26 pm
成，我一早就話我正常返架啦。
洋 - 2/15/04 8:54:11 pm
恒一，那麼計埋阿七，應該是三個了。
十個有三個係咁，其實比例都算多。
Irene - 2/16/04 3:01:20 am
阿洋是不太像中文系的人，
但不像不代表不喜歡文學，更不代表沒文學修養。
我倒覺得他是個自由人，一個喜歡游離的自由人。
還是自由點比較好，不要被冠上任何頭銜，也不用揹負甚麼包袱，一切隨心，這樣可能會發揮得更好呢。
洋 - 2/16/04 12:44:58 pm
Irene，妳讓我想起活地阿倫電影中的一句話，他說：
「我脫離了藝術，換句話說，我自由了。」
當然，我沒有脫離藝術咁勁。講得哩句，梗要係藝術上有番咁上下先講得。我想，我的東西是不入流的。或者說，是難登大雅之堂。不過我倒享受這種無拘無束的感覺。
被人冠上頭銜不好，但自己用框框限制自己，則更見可悲。
子星 - 6/4/04 10:07:15 pm
hey
我有個朋友都好喜歡詩詞
佢都有部落格,叫 茵莓草奶昔,
佢近日好似作新詩,不如你同佢交流一下,好嗎?
洋 - 6/5/04 12:30:07 am
子星，關於詩詞，其實我是喜歡看多於寫的。人家既然有好作品，自然要看。