印度相士（二）
2004年01月22日 
序
十二月左右，我寫了印度相士（一），接著一直久久未寫第二篇，有興趣看（一）的朋友，可看回第一回的《印度相士（一）》。
為了表示謝意，以及我對不同文化的欣賞，我告訴他我最喜歡吃咖哩角。咖哩角確是印度出色的文化。我深信食物才是世界的共通語言，絕不是音樂之類的東西。只要有食物，就唔會有世界末日。當然，錢也是，但這個我沒有。但請他吃一客咖喱角的錢，我還是有的。
於是我們去了榮發茶餐廳，共享下午茶。他對廣東春卷十分欣賞，我也大力稱讚咖哩角。這可能是自唐玄奘取西經以來，最有影響力的中印文化交流活動。他說：「你是百年難得一見的奇人！你這人集好人與壞人於一身。」我腦海中馬上浮起楊過、令狐沖、小魚兒等人的影子。我突然覺得自己好勁，由古至今，亦正亦邪的人，都特別帥哥。他說：「容許我說清楚一點，我是說你集好人的缺點和壞人的缺點於一身！形象上，比由溫兆倫飾演的怪俠一枝梅還要差三分。」我很驚訝，沒想過印度人也看《怪俠一枝梅》。他繼續說：「本質上你是好人，但好人會把你看成壞人，壞人會把你看成好人。」他說得對，做人最忌不上不下、不忠不奸、不三不四、不淪不類。我本來想做好人，可是偏偏成為了這樣的人。別人做的好人，大家都看得見，大家都會喜歡。我做的好人，不是被人罵，就是被人捨棄。有時我也不明白，為何自己做人做得咁折墮。他接著說：「但是，今天你很幸運。我其實是印度咖哩角神，因為你誠心誠意吃每一隻咖喱角，我決定給你一個機會，重新選擇，你想做好人，還是壞人？」
Posted in: 靈異 |
回應(1) | 回應的RSS | 暫時未有引用通告| 
(0)
2006 十月 30 at 2:01 am 關於《印度相士（二）》以前的回應：
~Alex~ - 1/22/04 6:53:42 pm
只要本質係一個好人就可以了,唔好太介意別人對自己既睇法,可能你會覺得有d唔積極,有d自己呃自己!但本質係好人就唔係不上不下,不忠不奸,不三不四,不淪不類喇!!因為你係一個好人喇!!
我仲慘,好耐冇人同我講過我係一個好人!連壞人都覺係同佢係同類!~咁到底我係一個好人定壞人呢?我都係覺得我係一個好人!哈哈~~~~
冇可能個個都覺得你係一個好人,做野對得住自己對得住人就可以喇~!!!
洋 - 1/22/04 7:15:36 pm
我覺得你是一個好人啊，回想上年，舞台設計的事宜，你幫了我很多呢。
~Alex~ - 1/22/04 8:01:55 pm
哈哈.....個時都係我最開心既時候~!(兩年都係)
最少有一樣野我到而家都覺得唔好意思,就係你個workshop, 我去左旅行冇咩野點幫過手!!
題外話講完喇~
做好自己就可以喇!!我都要咁做先得....
奀妹 - 1/23/04 12:00:45 am
好人壞人好難分。
有時做好人0既同時，你係做緊壞人。
如果有人話：你對真係好喇!!!呢句話其實係隱含左：你對其他冇咁好!!!
所以就算有人讚自己好人時都唔好開心得咁早!!!
洋 - 1/23/04 1:53:58 am
alex，傻啦，你實務上幫得我多嘛，我淨係識吹水。
洋 - 1/23/04 1:54:30 am
奀妹，是啊，對對錯錯，誰分得清呢？
泥~ - 1/23/04 2:23:15 am
印度咖哩角神...
虧你諗得出...=_="
洋 - 1/23/04 2:28:38 am
泥，神燈都有燈神，咖哩角當然也有咖哩角神。
Bertha - 1/28/04 12:54:34 am
呢篇文令我諗起你在《好好》的角色
我有時都很懷念排戲的日子
文正 - 1/28/04 1:03:13 am
竟然係唔鍾意留言Tha姐留言，真係感動。
我本來就係個咁人，唉。
係呀，而家我做親都係幕後，如果有得再做編作劇就好了。
積奇 - 2/23/04 5:17:58 pm
好人、壞人，誰分得清，
好人做壞事，
壞人做好事，
咁呢個係好人定壞人?
我諗.....算了吧~
洋 - 2/23/04 7:46:51 pm
積奇，是呀。
難為正邪定分界。
子星 - 6/3/04 7:22:16 pm
咁馬桶神呢?祂在等你.
洋 - 6/4/04 2:25:20 am
子星，如果真係有，衪最好把我沖去極樂。
康乃馨 - 8/31/06 10:04:57 pm
爲何自己做人做得…什麽?
兆洋 - 9/1/06 10:33:46 pm
康乃馨，太多亂碼字了，猜不到妳想問甚麼。